ORANJESTAD- Pa por tin un mihor bista riba henter e economia di nos pais y pa por duna e organisacion comercial mas participacion den e maneho economico di no

Minister Michelle Winklaar a enfatisa cu esaki ta forma parti di su maneho, esta di reuni un bes pa luna cu Camara di Comercio pa hunto atende e retonan den economia di nos pais. Presente den e reunion aki tabata e directiva diario di Camara di Comercio hunto cu secretariado di e organisacion comercial.

Separa reunionnan mensual cu Camara di Comercio, e Minister di Asunto Economico a anuncia algun siman atras tambe reunionnan mensual entre Camara di Comercio, Departamento pa Asuntonan Economico y ATIA. Den e siguiente reunionnan lo invita tamba AHATA y SNBA pa hunto por atende asuntonan di interes comun pa cu desaroyo di nos economia.

Minister Michelle Winklaar a sigura cu ta den e direccion aki e Gobierno nobo lo bay, esta dunando participacion na e partnernan den e sector, pa den forma conhunto deliña un maneho economico sostenibel.