WILLEMSTAD – Servisio Ambiental a konstatá vários violashon di lei serka e kompania di resiklá ku ta situá na Zeelandia. Esaki a kondusí na siere dje negoshi. Awe mainta funshonarionan di Servisio Ambiental a tene un akshon ora ku a subi e tereno di e

Ilegal

Servisio Ambiental ta konsiderá ku e aktividatnan ta ilegal i ta eksigí pa remediá e situashon a higiéniko ku tin den e área aki. Mirando ku ta trata di un empresa ku ta tuma kosnan bieu i por sierto kant’i laman, esaki ta krea un foko pa bestianan pa traha nèshi. Durante e akshon tambe outoridatnan a haña un kachó mal kuidá. A hiba e animal na un mihó kas. Riba pregunta di LA PRENSA ku e akshon aki ta riba denunsia di hòrtamentu di koper, Sillé a kontestá ku no ta e kaso, pero ku Servisio Ambiental ta kontrolá e aspekto ambiental ku e empresa aki ta violando. Durante e 60 dianan benidero e kompania mester regla tur e asuntunan i tambe pèrkurá pa optené e pèrmit di molèster. Despues di esaki e negoshi ta komprometé na kumpli ku e kondishonnan ku  Servisio Ambiental tin pa por operá. Por lo pronto nan no por tuma niun material, ya ku e empresa ta ilegal. Despues ku Servisio Ambiental a sali for di e empresa aki nan a sigui pa un otro empresa den mesun área pa investigashon den kua tin violashon di leinan ambiental.