E trabounan ta avansando i pa djasabra awor por mira ku tur kos ta kla pa kuminsá ku instalashonnan pa harma Episentro Evangelístiko Bida Abundante ku ekiponan di sonido i iluminashon pa e konsierto “As We Worship”. E preparashon pa

Di parti di akuerdonan ku Massive Sound, no solamente dedikashon pa un sonido perfekto, pero tambe iluminashon ekstraordinario pa hasi ku e anochi aki no keda sin haña e konsentrashon di un bon audiovisual moderno. Esaki ta nifiká, ku e konsierto lo tin un dimenshon èkstra moderno pa kompletá e ministrashon profétiko ku lo bai tin e anochi aki. William McDowell konosí pa su karakter di adorashon profétiko ku respaldo di su konstelashon levítiko (músiko) lo pèrkurá pa hasi kurason di Dios konosí na e pueblo durante e anochi aki. Por spera ku kansion nobo lo nase pa e anochi aki, ya kreyentenan di Ministerio Bida Abundante ta den ayuno i orashon pa pidi Dios manifestá Su mes pa tin Palabra Profétiko pa nos Kòrsou.

William McDowell lo yega otro siman djabièrnè mèrdia riba buelo di American Airlines i nan lo regresá djadumingu pa nan pais. Pa loke ta trata e klínika di adorashon djasabra mainta, karchinan ta saliendo pa esnan interesá i lo bira un oportunidat pa por haña tepnan pa desaroyo individual di esnan ku tin ministerio aki.