WILLEMSTAD  - Den e fakansi aki algun muchanan di Regales Tennisschool a biaha ku Xiomahara Regales huntu ku algun mayor pa Ulanda i nan por mira atras riba un biahe eksitoso.  Regales Tennisschool ta regresá ku un kopa o

Nathan Recao, di 9 aña, a sabi di gana tur su weganan den su pul pa despues pasa den skema i gana tur su weganan pa asina bira kampion den kategoria di 10 aña. Nathan a logra saka kara di Regales Tennisschool i Kòrsou dor di bira kampion di e torneo pa loke ta e edat di 10 aña. Asina pone ku Regales Tennisschool yega Kòrsou ku un beker. E torneo tabata un torneo di nivel, paso ta un torneo habrí e tabata kaminda tur mucha di Ulanda por hunga aden. Nathan djasabra mainta 9’or a subi kancha despues di a sla in pa 7 min. i a kuminsá e wega. Ku su manera trankil den un ratu e tabata 5-2 riba su kontrikante Milo van Essen, 10 aña, pero esaki no a lag’é asina i a kita dos “game” mas fo’i Nathan, pa despues Nathan gana e sèt ei ku 6-4. Den di dos sèt a bai mas fásil, paso den ménos ku 30 minüt Nathan tabata sa di gana Milo ku skor di 6-2, pa asina bira kampion di e torneo.