Inscribi awor pa programanan di vakantie

ORANJESTAD - E programa di vakantie “Exploradornan na Museo” di Museo Arqueologico Nacional Aruba (MANA) a c

Ultimo dianan e salanan di exposicion di MANA ta yen di gruponan di mucha y hoben cu ta pasa un dushi rato ‘explorando’. Tanto e muchanan como nan begeleiders a keda impresiona di e manera cu e exposicionnan ta hinca den otro y con ta trece e  informacion na e bishitante. Hopi di nan a laga sa cu nan lo bin bek un otro biaha.

Den e periodo di 3 pa 12 di augustus MANA ta enfoca riba e exposicion di “Rancho” y ta ofrece programanan varia pa muchanan individual cu tambe kier pasa un dushi rato na Museo. Pa muchanan di 4 pa 7 aña tin un programa di 2 ora yama: ‘Un lama yen di pisca’, muchanan di 8 pa 11 aña tin un programa interesante di 2 ora yama: ‘Muchanan arkitecto’ y pa hobennan tin e programa di 12 pa 15 aña di tres ora yama: ‘Un diseño arkitectonico pa Rancho’. Cupo ta limita, asina ta inscribi lihe pa bo ta sigur di bo luga. Pa participacion na e programanan ta pidi contribucion di solamente Afl.1,- pa mucha.

Banda di e e programa di Rancho MANA ta ofrece diferente pakete vacacional pa diferente edad pa e exposicion permanente cu tambe pa e exposicion temporario “Rancho”. E prijs pa e manualnan ta diferencia entre solamente Afl.1,- pa Afl 5,- y por cumpra nan na balie den sala di exposicion  permanente di MANA. Tur vakantiecamp of otro gruponan grandi (mas cu 10 mucha) semper mester registra nan bishita na Museo di antemano. Pa un programa mas amplio pa camps y otro gruponan vacacional, pa inscripcion pa e programanan vacacional di “Rancho” por yama 5828979 pa mas informacion.