WILLEMSTAD – E damita di 15 aña ku a entregá un keho falsu ku a sekuestrá su beibi ayera, tin un pèrmit di residensia temporal na Kòrsou. Den kurso di , outoridatnan lo disidí kiko lo hasi kuné. T’asina, ku ora bo tin un pèrmit di residensia temporal, bo ta mará na diferente regla,. Kualke violashon ta nifiká deportashon mesora. Den e kaso ak

E kaso di ayera a kousa konsternashon. Ta asina ku den oranan di atardi Kuerpo Polisial Kòrsou a hasi un yamada na komunidat, pa duna yudansa den un supuesto kaso di sekuestro ku a tuma lugá den oranan di traimèrdia. Polis a anunsiá na e momentu ei, ku e ta kuminsá ku un investigashon relashoná ku un kaso di sekuestro di un beibi di 3 luna. For di e investigashon preliminar polis a komprondé ku pa mas o ménos 12’or, 4 hòmber den un vehíkulo blanku, lo a topa un damita di 15 aña pará na un parada di bùs den e área di Sedreko ku su beibi di 3 luna den brasa. Diripiente un di e sospechosonan lo a baha for di e vehíkulo, menasá e mama ku arma di kandela, ranka e beibi for di e mama, drenta outo bèk i kore bai. Siguiendo ku e investigashon, polis a detené e hòmber sospechoso R.A.P. nasé na Kòrsou di 33 aña di edat na su kas na Coronet, relashoná ku sekuestro di e beibi. Na momentu di su detenshon no a logra haña e beibi huntu kuné.

Kasi mei anochi polis a informá, ku despues di un investigashon profundo den e kaso aki, a yega na e konklushon, ku e denunsiante D.E.V.C. nasé na Sto. Domingo, 15 aña di edat, a hasi denunsia falsu i ku e keho ku el a hasi no ta kuadra ku bèrdat. E hobensita aki tin ku duna kuenta i rason na Hustisia awor pa e denunsia falsu aki.  “Komo Kuerpo responsabel, mesora nos a aktivá i duna oido na e keho aki sin pèrdè tempu, espesialmente pa e motibu ku un supuesto yu tabata envolví. Nos ta lamentá e tipo di aktitut aki di parti di un persona sumamente iresponsabel ku ta tene un komunidat den tenshon i alabes ta pone un Kuerpo mobilisá en grande ku tur e konsekuensianan ku esaki ta trese kuné. Nos ta gradisí e komunidat un biaha mas pa nan sosten i ta spera ku un kaso asina nunka mas ta ripití”, asina bosero di polis Reginald Huggins a bisa. Huggins a bisa, ku ta masha yamada Polis a haña na e number spesial ku nan a lanta pa e kaso aki.

Komisario di Polis i hefe di Recherche Informatie Dienst  Raymond Ellis a bisa, ku polis tabata bon prepará pa atendé e tipo di kasonan aki. Polis tin un sekshon apart ku ta yama huntu ora tin e kasonan aki. E polisnan aki ta traha den un tim spesial  sin ku esei tin reperkushon pa e otro servisionan ku polis mester duna na públiko. E tambe a lamentá loke a pasa den e kaso aki.