PORT OF SPAIN – Paisnan di Karibe ta luchando tur ku tin pa kontrarestá presensia dia pa dia mas grandi di dengue. Aktualmente tin un brote di kentura di dengue na Tobago, segun Hefe Médiko Nashonal di Trinidad i Tobago dr. Murchison Melville. El a hasi e deklarashon aki durante di un konferensha di prensa ayera na Tobago. Segun

Tòg tabatin di febrüari pa mei 2010 un bahada signifikante di kasonan di dengue na Tobago. Pero, el a agregá ku e oumento di kasonan a subi opviamente for di yüni último. Melville a bisa ku e arenanan ku kasonan positivo ku a keda identifiká e luna yüli Charlottteville, Belle Garden, Bethel, Plymouth, Les Coteaux, Sou Sou Lands, Mt. Thomas, Carnbee, Rockly Vale i Bon Accord.

Turesten na Jamaica nan ta man na kabes ku e gastunan pa kombatí dengue. Dr. Sheila Campbell-Forrester, hefe di servisio médiko di Jamaica a bisa ayera ku Ministerio di Salubridat hamaikino a gasta miónes di dollar riba spùitmentu pa limpia sitionan di bruimentu di sangura di dengue i duna diferente formashon den 300 komunidat rònt e pais. E ta kostando miónes di dollar pa kontrolá e sanguranan i ku insektisida so e ta kosta un mion dollar. Campbell a revelá ku 70 hende a keda diagnostiká ku e malesa den henter e pais for di kuminsamentu di e aña aki, loke a alarmá tur hende.

Rònt Karibe tin un oumento di kasonan di keintura di dengue. I a detektá mas ku 15.000 den Karibe i Sur i Sentro Amérika di kua 3.000 tabata severo i 79 morto raportá. Esaki a pone ku e ministerio ku asistensia di organisashon Pan Amerikano di Salú a plania pa kuminsá un prevenshon di dengue i kontrolá programanan di edukashon i prevenshon públiko pa logra konsiensia general. E ministerio di salubridat a oumentá tambe e sistemanan di vigilansia riba e isla. Ta konsehá tur hende ku sinti síntomanan pa nan bai nan dòkter. Miéntras tantu na tin abate na Kòrsou, segun un funshonario di GGD a konfirmá resientemente na radio. Ta usa abate kaminda tin awa pa kontrarestá presensia di sangura.