WILLEMSTAD -  Kontrali na último tres añanan, diputado di Enseñansa no ta kompañá e bekadonan ku ta sali pa Ulanda. Diputado Marilyn Alcalá-Wallé a bisa LA PRENSA, ku ayera tardi el a kanselá su bia

Diputado Alcalá-Wallé durante dje kombersashon ku LA PRENSA a garantisá, ku for di awe mainta tempran el a tuma tur medida pa garantisá ku e studiantenan ta wòrdu bon risibí na Ulanda. Direktor di SCC, Jonathan Jukema ta sali pa Ulanda awe huntu ku e bekadonan.

“Nos ta keda den kontakto estrecho pa por si akaso, por drenta den kontakto mesora ku mi pa buska solushon”, Alcalá-Wallé a remarká.    “Mayornan mester keda trankil, pasobra tur kos ta bou di kòntròl”, e diputado a enfatisá, indikando ku e ta na aeropuerto awe pa personalmente despedí dje studiantenan.

E studiantenan ku awe ta sali pa Ulanda ta bai studia den e suidatnan rondó di Den Haag i Rotterdam.

E di dos i último grupo di bekado ku ta bai Ulanda, ta biaha mañan. Ta trata di e studiantenan ku ta bai sigui studia na entre otro Utrecht i Amsterdam.