PHILIPSBURG – Diputado i miembro di Konseho Insular di St. Maarten Theo Heyliger a lansa su partido nobo United People’s party (UP), djasabra último. Esaki tabata tambe na mes momentu inisio di kampaña di e partido pa elek

Presidente di UP ta eks diputado i miembro di Konseho Insular di e isla Franklin Meyers. Vise presidente ta eks presidente di Universidat di St. Martin, Josianne Fleming-Artsen. Otro miembronan di direktiva di UP ta Cleveland Beresford, Tamara Leonard, Rosina Romeo, Joyce Wathey-Yee i James Roidis. Remarkabel ta tambe ku diferente Yu di Kòrsou a asosiá ku e partido, entre nan diferente polis. 

Segun Heyliger UP ta hendenan uní. ‘Anto nos ta manera un airu fresku den un sala ku ta hole mùf. I nos ta kere ku un gobièrnu nunka mester pèrdè kontakto ku hendenan komun den un komunidat’. Tambe United People ke bai bèk na e prinsipionan balorá ku un tempu a guia St. Maarten pa el a bira e mihó lugá pa biba, miéntras ku ta bai proveé ideanan nobo pa solushoná problemanan di un siglo nobo. Ya tin 400 hende ku a firma pa nan ta miembro di UP.

Ku lantamentu di e partido nobo, Heyliger ku siman pasá a tuma retiro komo diputado, a presentá su kandidatura pa bira e promé Minister Presidente di Pais Sint Maarten. Heyliger a presentá su kandidatura na e plenchi ku tin nòmber di su tawela dr. Claude Wathey dilanti di Bestuurscollege di Sint Maarten. E foto ta kortesia di Gromyko Wilson.