Un otro kos ku ta resaltá ta, ku riba un dia a kome na  mas ku un kaminda ku e mesun tarheta di krédito.  Loke por mira tambe ta, ku e credit card-nan tin diferente number loke ta un indikashon ku sea mas hende tabatin credit card òf un hende so tabatin diferente credit card. LA PRENSA a haña tambe kopia di un chèk di un banko lokal, kaminda a paga e entidat un suma kuantioso bèk di 13.535 florin pa asina kompensá e gastunan ku a hasi. Loke tambe ta resaltá ta, ku a lanta sèn kèsh tambe ku e tarheta(nan) di krédito. LA PRENSA lo bin bèk riba e kaso aki, despues ku nos sigui analisá tur dato debidamente.  LA PRENSA mester bisa, ku e Hunta di Supervishon, despues di a tuma nota di e kaso, a baha gastunan di representashon na e fundashon severamente.