WILLEMSTAD -- Djabièrnè anochi a kuminsá e konferensha 'Un Plan Nashonal' di tres dia pa yega na un fórmula i solushon pa kombatí violensia doméstiko. Jeanne Henriquez ku ta presidente di DEDIMA (Defensa di Derechinan di  Hende Muhé i Mucha) a bisa na apertura di e konferensha ku deseo ta, pa djadumingu na

Lo ke logra pa tantu polítikonan di koalishon komo di oposishon komprondé ku e problema di violensia doméstiko ta un kos ku nos no por hasi polítika kuné i ku ta huntu mester pone skouder bou di dje pa logra un plan nashonal pa eradiká violensia doméstiko;

Mester haña periodistanan motivá pa dediká atenshon na e kaso i ta spera ku hóbennan lo ke partisipá den e hornada pa tres kambionan ku solamente si nos konosé nos derechinan humano, nos por logra un sosiedat hustu i ku riba e tereno aki tambe nan ke  duna nan aporte, sea den e diferente organisashonnan den aliansa, konhuntamente komo tim di aliansa, den nan partidonan polítiko i tambe tin e speransa pa esaki ta komo opservatorio ku ke logra na Kòrsou. Henriquez a bisa tambe, ku nos tur sa ku e problema di violensia doméstiko ta afektá den forma drástiko salú i bida di en partikular hende muhé i nan yunan. Ya Nashonnan Uní a bisa ku insistensia ku gobièrnunan mester desaroyá akshonnan i mester implementá polítika públiko pa enfrentá e problema aki. E konferensiá di tres dia ta un aliansa di CAFRA, DEDIMA, Bureau Vrouwenzaken, Bos di Hubentut, Amnesty International, Kinderbescherming, SEDA i Steering Committee pa yega na e tan nesesario plan nashonal pa kombatí violensia doméstiko.

Oradónan internashonal na e konferensha riba un futuro plan nashonal pa kombatí violensia doméstiko pa Pais Kòrsou tabata Nirvana Gonzales de Rosa i Sandra Castaner di Red de la Salud de Latino America i del Caribe RSMLAC ku tin status di opservadó na Nashonnan Uní. Interesante tabata sigur sigur e presentashon ilustrativo di kiko ta violensia doméstiko di Grupo di Teater Kara. E diskushon ku a sigui tambe despues tabata unu ku a demostrá kon esnan presente tabata biba ku e tópiko i e emoshonnan ku a  bin dilanti.

Durante di e apertura tabatin tambe presentashon di oradó di òrdu Nirvana Gonzales de Rosa kende a duna splikashon di derechi seksual i derechi pa tuma desishon di hende muhé. E konferensha a kontinuá awe i tin chèns pa partisipá ainda. Riba e pòtrètnan por mira momentunan durante di promé anochi di apertura di e konferensha Un Plan nashonal.