WILLEMSTAD – Djasabra último a hiba e aktivista soshal Eugene Godfried su último lugá di sosiegu. Godfried ta keda den nos memoria komo un  gran luchadó pa hustisia soshal, kultura Afro-Karibense i demokrasia-sosial. Konosí komo un di e lider

Durante un programa pa rekòrdá Godfried tantu Minister di Informashon Selmon Walters di St. Vincent, remplasando Promé Minister dr. Ralph Goncalves, komo un eks-minister di Guyana a rekòrdá e gran aktivista. Walters a bisa Godfried tabata un gran amigu di e Promé minister. E tabata privilegiá pa konosé un gran ser humano, ku tabatin hende na su kurason. “Gran moveshon pa elevashon di e hòmber karibense, liberashon di kolonialismo, demokrasia-sosial. Den henter Karibe bo no a haña un persona ku tal persuashon. 

El a kompará Godfried ku tur e grandinan ku a bringa pa demokrasia-sosial. El a hunga un ròl importante den e konsientisashon di e hòmber karibense. Tambe el a lucha pa integrashon di Cuba den komunidat di Karibe. Tabata un ser humano eksepshonal. Su pashon pa agrikultura i propio dependensia pa loke ta trata alimentashon tabata grandi. Godfried a kere den elevá hende”.

Eks-minister di Guyana di Asuntunan Agrario tambe ta na Kòrsou pa entiero i a elogiá e gran persona aki. E eks-minister a bisa ku Godfried a defendé esnan oprimí den Karibe. El a laga un bon impreshon serka spesialmente polítikonan na Guyana. Den pasado Godfried a traha entre Cuba i Colorado, kaminda e tabata duna lès den kultura di Karibe. Komo periodista e tabata un genio di idiomanan (mas ku 10), e tabata un aktivista pashoná di e kultura afro-karibense. Pa esaki e tabata un di e forsanan fuerte tras di konsientisashon di pasado di sklabitut i herensia di Antia. Un gran konosedó di e músika afro-karibense tambe, komo promotor i produktor el a sòru pa kontinuashon di e orkesta legendario Chappotin y sus Estrellas. Tambe el a duna lès na Canta América. Algun aña pasá Godfried a bolbe bèk su isla natal i a pasa den un periodo di malesa. Riba Internet el a funda Eugène Godfried Radio & Television International.

Un hòmber ku hopi talento i aktividat e tabata trahadó sosial, spesialmente den trabou pa hubentut i lider di Hubentut 70. Komo presidente di e koperativa di agrikultura Kopak el a bringa pa reformanan agrario. Su último aparishon públiko tabata den su programa di Plataforma Agrario na radio. E kantidat grandi di tamarein ku tabatin na su entiero tabata símbolo di su pashon enorme pa agrikultura. Pas na su alma.