WILLEMSTAD - MIL a selebrá nan enkuentro spiritua l titulá “MIL on Fire” manera tur aña di nobo den kua ta purba di

guia e alumnonan pa nan por invoká e nòmber di Kristu Hesus. Awe mainta e alumnonan a pèrkurá pa diferente parti di e

programa, pa asina demostrá ku tin hóbennan positivo ku ta pone nan konfiansa den Señor. 

Na apertura tabata pastor Alfons

Bak di parokia Sta. Maria ku a hasi orashon, miéntras ku tin gruponan di alabansa hubenil ku ta pèrkurá pa e parti musikal

pa guia e alumnonan den presensia di Dios. LA PRENSA a komprondé ku e grupo di drama ta di e propio alumnonan di MIL.

Riba e foto por mira e grupo di drama di alumnonan ku a trese un tema interesante di aktualidat pa ilustrá e diferente

situashonnan di e komunidat. E drama ta presentá esenanan riba kompashon, negligensia, desobedensia, pero ku na final ta

mustra e amor ku Dios tin pa hende. E enkuentro spiritual aki a tuma lugá den sala di ekshibishon di WTC. (Foto: Norwin

Josepa)