WILLEMSTAD – Asosashon di Komersio i Industria (VBC) ta bisa, ku e proseso estatal ta e issue di e elekshonnan di Staten di otro siman.  VBC ta reakshoná riba deklarashonnan di lider di Lista di Kambio, Charles Cooper ku a bisa ku struktura estatal ta un “non issue”.

Segun VBC, ya pa desena di aña, Kòrsou ta lucha ku e problema di Restrukturashon Estatal. A dediká  atenshon, energia, medionan finansiero  <

VBC ta komentá tambe e punto di bista di LDK,  den sentido ku Kòrsou mester sali mas pronto posibel for di Antia, sin embargo ku e kondishon ku mester renegoshá  e resultado di loke mayoria di elektorado a aprobá na referèndem di 15 di mei 2009. “A base di e siguiente konsiderashonnan aki mester hasi e pregunta, si mester klasifiká e vishon i ponensia di LDK  komo bruamentu di tera, poko realísta i anti demokrátiko:

•             LDK ta partidiario pa Kòrsou haña e status di Pais den Reino dia 10/10/10, sinembargo e no ta di akuerdo ku e kondishonnan dentro di kual esei tin ku sosodé. E echo ku ya a negoshá mas ku 35 luna pa por realisá 10/10/10 ta duna un indikashon kon kompleho e problemátika aki ta. A base di esaki ta kompletamente irealista pa pensa ku renegosashon, si es ku esei ta posibel, lo por terminá den apénas 10 luna di tempu. Konkretamente esaki ta nifiká, ku pa loke ta toka LDK, nan no kier pa 10/10/10 logra. En realidat LDK no ta ningun partidiario pa Kòrsou haña e status di Pais mas pronto posibel.

•             Kohe un desishon di mayoria di elektorado pone un banda kuantu demokrátiko esaki ta? Riba 15 di mei 2009 mayoria di pueblo den un referèndem a aprobá e resultado di negosiashonnan di Konferensha di Mesa Rondó (RTC) di desèmber 2008. A konsekuensia di esaki a akordá, ku dia 10/10/10 Kòrsou lo haña status di Pais. Dor di e posishonamentu i aktuashon di LDK e chèns ta grandi ku esaki lo no sosodé”.

Segun VBC, ta  bon pa realisá ku ta hopi realista pa trese dilanti ku e eskoho di LDK lo por tin komo konsekuensia, ku e proseso di pagamentu di debe lo keda suspendé  òf lo stòp, manera eksperensia a mustra den kaso di Boneiru. “Den kaso ku esei sosodé, esaki lo tin  konsekuensianan dramátiko pa desaroyo finansiero i sosial-ekonómiko di Kòrsou.   Presidente di Banko Sentral di Antia Ulandes resientemente a mustra riba esaki. Mester pone hopi énfasis na e atvertensia aki. Suspenshon òf stòpmentu di e proseso di saneamentu di debe en kombinashon ku retroseso ku por spera den turismo pa motibu di devaluashon di bolívar, lo afektá kresementu ekonómiko  seriamente i huntu ku esei oportunidat di trabou i  entrada. Den un par di palabra prosperidat i bienestar di poblashon.