WILLEMSTAD – Awe tráfiko marítimo i tereste a keda desviá pa e echo di e bishita di 7000 turista a bishitá e isla. Mester gradisí Refineria Isla i CPS pa nan koperashon pa no pèrmití niun otro barku i trankero drenta haf di Kòrsou. Manera ta konosí ku tin barku lo mester mara na waf na Skarlo ku a trese sierto reklamo di taksistanan.

Den kombersashon ku Agustin Diaz t

Diaz ta señalá, ku pa haf mes no tin un entrada manera otro sektornan ta disfrutá di dje.

“CPA lo hasi semper pa bende e produkto Kòrsou, apesar di tur limitashonnan ku tin. No por hancha e bahia, tampoko no por kita e brùg haltu, pero mester brinda e loke tin, di manera ku e isla ta risibí tur previlegionan di barkunan ku ta bishitá e isla”, Diaz ta agregá na LA PRENSA. Mester ta mas preokupá pa taksistanan pensa bon, kon nan ta hasi duna servisio na e 7000 turistanan, ya ku no tin sufisiente pa duna e servisio di transporte.

Segun Diaz ta mustra, ku mester ta mas konsentrá kon ta bai dupliká e kantidat, en bes di buska diskushonnan fofo riba unda e barku mester wòrdu mará. Ku maramentu di e krusero aki na Skarlo, lo no tin niun estorbo pa ekonomia, pero esnan ku baha por kana fásil drenta Punda i buska un taksi ku por transportá nan pa e destinashon ku nan skohe.

CPA a tene kuenta ku seguridat, p’esei mes lo no tin tráfiko marítimo durante ku e barkunan aki ta mara den haf i ku instansianan konserní a duna nan koperashon ku esaki ta posibel. Esaki ta un forma pa mira e importansia di un bishita di 7000 turista ta nifiká pa ekonomia.

Ademas Skarlo ta asesibel pa tur hende, simplemente mester por mira e desaroyo aki positivo, sin buska manera di kritiká i menasá, ya ku e turistanan ta tresiendo tur klase di entrada pa e komunidat. Finalmente, Agustin Diaz ta pidi, pa ban pensa kon ta dupliká, en bes di e tipo di protestanan asina. A yega ora pa huntu por pensa kon e por bira 14 mil turista riba un dia, Diaz ta afirmá.

Tráfiko tereste tambe ta desviá for di lusnan di Abraham de Veerstraat, pa evitá ku tráfiko lo pega den sentro di siudat. Na último ora a tuma desishon pa desviashon di tráfiko, mirando e temporada di fin aña i ku mas lat di nochi di kompra. Komo un forma prevenshon i ku outoridatnan lo tin muchu mas efektivo den nan kòntròl mester a sera Punda pa tráfiko. Únikamente transporte públiko i otro emergensia por drenta sentro di siudat riba e dia awe.