FOL no ta preokupá ku enkuestanan di elekshon

Home

Politika

Written by Administrator

Wednesday, 13 January 2010 00:00

WILLEMSTAD - E lider di Frente Obrero Liberashon 30 di mei, no ta preokupá ku resultado dje enkuestanan relashoná elekshon di 22 di yanüari.

FOL di Anthony Godett no ta skor bon den sondeonan pa elekshon di Staten antiano di dia 22 di yanüari. Frente Obrero ku aktualmente tin dos asiento, lo keda ku sero. Esta, segun e investigashon di mas resien pa e website opinionkorsou.nl.
Den entrevista ku Rene Roodheuvel di Radio Nederland Wereld Omroep, Anthony Godett a bisa ku
e úniko sondeo berdadero ta esun di 22 di yanüari i promé ku esaki e i su partido lo logra konvensé Yu di Kòrsounan ku nan bienestar ta den bon man seka FOL: "Den kada kas riba nos isla mester bini prosperidat", Godett ta bisa, i ta p’esei e ke kaba su trabou 'na benefisio di e isla'.

E ta konvensí, ku votadónan ta komprondé su vishon i mishon,pasobra esakinan ta konektá ku e resultado di e referèndemnan di añanan 2005 i 2009 tokante e kambionan estatal, kaminda pueblo a skohe pa outonomia den Reino.

Bienestar
Duna pueblo bienestar i prosperidat, esei ta FOL su lema. E echo ku e tres partidonan di koalishon, (PAR, PNP, FOL) tin tantu difikultat pa komuniká bentahanan di e kambionan estatal na esnan den e partinan di mas abou di komunidat i prueba tambe ku nan bida lo bira mihó, tin relashon ku un PR mankaron i muchu burokrasia, Godett ta bisa.

Ta p’esei, e ke duna pueblo mas informashon. Ademas e tempu - aktualmente un sinku luna - entre aprobashon i ehekutashon di un proyekto, por ehèmpel Inisiativa Sosial Ekonómiko, mester bira mas kòrtiku.

Poko tempu

Tempu ta kòrtiku, dj’esaki ta 22 di yanüari. Pero Godett ta konvensí, ku su partido por 'prueba pueblo hopi'. E sondeo ku ta pronostiká ku FOL lo disparsé, segun e ta 'hende ku ke kambia rumbo (di gobièrnu red.) i brua pueblo' a paga p'e.
A base di e sosten ku e ta haña durante di e kampaña den barionan, e lider di FOL ta fèrwagt di haña no sero, sino tres pa kuater asiento.

< Prev		Next >

Advertise on La Prensa

Reflekshon

No ta existi nada imposibel, sino hende inkapas !! "TUR KOS TA POSIBEL SI BO KE".

Micho den Bogt

'

Ken ta Online ?

Robbies Lottery

WKN 28 Juli 2010
   1st : 7770
  2nd : 6723
   3rd : 5187

SMART Play 28 Juli 2010
1st : 9566
2nd : 7877
3rd : 9304

Enkuesta

Elekshon januari 2009

	Gobiernu Nobo
	Mesun Gobiernu
	Lista Kombina
	Echt mi no sa
	Blanko, 0 kambo toch.

Advertisements ?

Informashon pa bo pone bo propaganda riba La Prensa.
Manda bo email na : onlineads@laprensacur.com

Linkshare