WILLEMSTAD – Lider polítiko di FOL, Anthony Godett a pidi su miembro i simpatisadónan pa tene kabes friu, despues ku ayera nochi nan a yega na nan vehíkulo ku tabata stashoná den Buena Vista, ku a wòrdu destruí. Esaki ta prueba ku tin problema ku e atenshon ku e partido ta haña for di habitantenan dor di e k

For di ayera nochi despues ku a deskubrí ku e vehíkulo di dos di e miembronan di FOL tabata destruí, a pèrkurá pa entregá keho na outoridatnan riba esaki. Tambe a splika esnan ku tabata presente pa kana den e bario di Julian i Buena Vista pa keda trankil i no laga e tipo di atakenan aki desviá for di e trabou ku nan ta hasiendo. Godett ta pone énfasis, ku ya kaba e kontrinkantenan por sinti e aseptashon ku partido FOL ta hañando serka habitantenan di e barionan ku nan ta bishitá i esaki ta kousa, ku nan ta bira nèrvioso i ta purba di ataká e partido pa stroba e avansenan ku ta tumando lugá. E bishita den barionan ta relashoná tambe ku e programa di akshon ku FOL ta presentando, meskos tambe ta mustra tur loke nan a hasi i kiko mas nan tin na kaminda pa hasi konforme e avansenan  pa bienestar ta den tur kas di famia.

Den mesun rosea, Anthony Godett ta pidi, pa tuma nota di lus den bario di Kanga promé ku fin di e luna, meskos tambe Perseusweg tambe lo haña lus. Kaminda di Westpunt, Fransia, Amerikaweg, Tera Kòrá, Biesheuvel tambe for di e presupuesto ku a keda aprobá di 1.5 mion florin. Tambe lo bai modernisá iluminashon den e bario di Kura Piedra, Sta. Helena, Kenepa, Jan Kok, Weis Afó, Oude Water, Weg Groot St. Joris ku tambe ta aprobá ku ta kosta 900 mil florin. Otro áreanan ku tambe lo haña lus ta Amerikaweg, Suffisantweg  i otro bario den besindario lo benefisiá for di esaki.

Godett ta pone énfasis, ku ora ta papia di bienestar di pueblo, wak e trabounan ku ta wòrdu hasí.

Entre tantu e trahadónan di kontratista a bin for di vakashon i ku Mahumaweg lo tèrminá, miéntras ku Maishiweg ta wòrdu entregá próksimamente. Tokante Seru Loraweg, e promé fase lo keda entregá i pa despues lo pone alsera dilanti di kas di habitante di e bario ei. Tambe lo tin drechamentu di damnan, meskos ku e damnan di Kura Piedra, kaminda lo bai restourá esaki, di manera ku por fangu awa den e posnan sin mester bira salu.