WILLEMSTAD – “Loke a negoshá ku Ulanda, no ta loke pueblo a pidi p’e den e referèndem di 2005. Loke tin riba mesa ta un Antia restrukturá i esei no ta kuadra ku e deseo di outodeterminashon ekspresá pa pueblo”, asina lider di Lista di Kambio Charles Cooper a bisa ayera nochi na e bríndis di e aliansa polítiko na Lanthùis Morgenster.

Cooper a bisa, ku dia  22 di yanüari 2010 lo tin un elekshon pa Parlamentu di Antia i nada otro. “Pues, no laga ningun hende gañab

Mas aleu Cooper a bisa, ku e punto di salida pa partidonan MAN, Niun Paso Atras i Forsa Kòrsou ta ku e ekspreshon di pueblo su outodeterminashon na aprel di aña 2005 ta fundeshi di struktura estatal. Tur lei di konsenso òf laga i tur loke ku te awe a wòrdu firmá dor di gobièrnunan ku no ta den konkordansia ku esei MESTER wòrdu ahustá òf adaptá. “Nos ta kere firme, ku Kòrsou mester sali for di Antia mas rápido posibel.  Loke ta mas importante ku kualkier fecha ta, ku Kòrsou mester haña tur e deber, derecho i outoridatnan ku Antia tin awor aki komo pais.  Esaki ta e diferensia fundamental ku tin entre nos i esnan ku ta den gobièrnu aktualmente.  E lokual ku nan a negoshá ta un Antia re-strukturá, kaminda ku Kòrsou ta keda mará na man ku pia ku e otro islanan. Pa loke trata e proseso di outodeterminashon di e otro islanan, MAN/NPA/FK lo no stroba nan di yega nan meta di nan pueblo.  Naturalmente te kaminda ku esaki no ta interferí ku e meta di pueblo di Kòrsou! 

Den e kuadro aki nos lo NO sosegá pa sigui lucha ku tur medio hurídiko ku ta na nos disposishon pa pueblo di Kòrsou haña e lokual ku el a ekspresá den referèndem di 2005. Nos kier resaltá tambe, ku e konstitushon ku ta riba mesa aktualmente ta “more of the same” i e lo no por konta ku nos aprobashon den Konseho Insular na momentu ku e yega na tratamentu.  Nos ta kere, ku ta un oportunidat úniko ku nos ta konstruyendo un pais nobo i nos no por keda ku leinan bieu. Mester usa e oportunidat aki pa bini ku un konstitushon moderno ku ta sirbi e pueblo di Kòrsou di un forma digno. Pueblo di Kòrsou, ta hopi trabou tin, ku ainda mester wòrdu finalisá. Boso bos ta importante i e ta konta i  nos ta pará porta habrí pa skucha boso nan. Nos a konstatá durante nos bishitanan den bario, ku Kòrsou tin pobresa skondí. E hendenan tin bèrgwensa di pidi yudansa. Rumannan kòrda bon, den Reino di Dios nos tur ta ruman i nos no por laga nos rumannan bai drumi ku hamber, kaminda abo tin pan. Nos mester ta solidario ku otro i kompartí ku otro. Nos hendenan tambe tin derechi di biba felis i drumi sin hamber.

Nos ta stima nos pais. Pues nos mester lanta for di soño i mira e realidat. No ta gobièrnu so por bai solushoná e problemanan riba tereno; sosial, edukativo, finansiero, medio ambiente, ekonómiko i turismo. Bosnan mi pueblo, tin ku yuda nos. Si boso kier trese un kambio. Bosnan mi pueblo, tambe ta responsabel di e desishon ku dia 22 yanüari próksimo. Tin speransa. Sí, tin speransa, ku e voto ku abo ta bai depositá den e lista di Kambio forma pa MAN-NPA-FK dia 22 di yanüari awor, lo trese un era nobo den polítika. Un gobernashon huntu ku pueblo i pa pueblo. Ku firmesa i determinashon, e 22 hòmber i muhénan riba e lista di KAMBIO aki, formá pa partidonan MAN-NPA-FK ta kla pará, pa sirbi i duna guia na un gobernashon hustu,  sosial i digno na bienestar di pueblo di Kòrsou....